足球资料吧-->名家專欄:關爺心水

史托港恰伊奧維死火
修安聯開大當飯食
18/11/2008
文：關爺

今日英足盃第一圈重賽，關爺搵到場好，英甲球隊修安聯主場再戰非聯賽球隊特爾福德，修安聯攻強守弱，對上三場入七球失七球，踢法極具娛樂性，特爾福德亦毫無包袱，兩隊大踢開放足球，捧大盤最好！（周三凌晨3時45分開賽）
修安聯目前位列英甲中游，但係防線水準非常業餘，上次作客特爾福德，對手只係非聯賽球隊，估唔到修安聯都要失兩球，如非完場前追和，已經畀人踢出局。事實上修安聯打法好進取，正宗有前冇後打死罷就，今次返主場出戰，相信唔會縮番轉頭，會繼續搶攻爭勝。
特爾福德名不見經傳，質素肯定麻麻，但係難得有機會出大場面，肯定會一人走多步，鬥志唔使懷疑。以波論波，關爺認為今場修安聯可以贏波晉級，不過現時[被屏蔽广告]主W明顯偏熱，實在唔多抵玩，既然兩隊波都有入球能力，不如玩大盤好過。

伊奧維連輸兩口0:1

另外，同日仲有場英甲球隊內訌，史托港主場對伊奧維，伊奧維依家英甲排緊下游，球隊鋒力好曳，對上兩場都輸○比一，唔識入波點贏呀？史托港主場演出不俗，今次可望贏波晉級，過關記住預埋佢。