足球资料吧-->名家專欄:麥馬拿仁

奧咸主場翻炒車頓咸
18/11/2008
文：麥馬拿仁

今晚六場英足盃重賽，奧咸主場鬥車頓咸穩勝。奧咸上次作客車頓咸，一度落後兩粒最後逼和對手，除反映球隊戰意佳外，仲睇到佢對足總盃好有誠意，今番回歸主場唔會流攤。車頓咸係典型作客蟲，本季作客輸波率近八成，加上季初曾吞奧咸四蛋，今仗難逃一敗。（周三凌晨３時45分開賽）
車頓咸上次藉主場之利，半場已轟入奧咸兩粒，但因質素所限，下半場竟然被追番。車頓咸上仗贏唔到好麻煩，因為球隊作客成績實在太曳，本季九場正式比賽輸七場，而上季佢聯賽作客敗率亦達七成，睇到呢班波作客戰鬥力銳減，吼住佢作客反係最佳*策略。另外，奧咸本季初曾主場以四比○大炒車頓咸，今場1.48倍主Ｗ走唔甩。

哈特普爾追大

另一仗哈特普爾主場鬥白禮頓，雙方上仗打成三比三平手，可見大家都入得又失得，而近期兩軍後防都信唔過，哈特普爾三場失七球，白禮頓四場失十球，由上仗對戰賽果睇到雙方於足總盃都毫無保留，今場一樣大踢「性感足球」，呢場追大好路。