奧咸回勇主場拆爛車
18/11/2008
文： 亨格比利

今晚除國際熱身賽之外，亦有幾場英格蘭足總盃首圈重賽，其中奧咸主場對車頓咸「英甲打」，亨格比利就睇好奧咸可以贏波晉級。事關車頓咸由馬田阿倫接手後唔止毫無起色，客場表現就更加係水皮到得人驚，捧2.35倍奧咸「讓球主勝」！（開賽時間：周三凌晨3:45）


車頓咸5連敗作客曳


上季驚險護級成功車頓咸，新季表現差強人意，九月頭由前李斯特城頭馬田阿倫接手，可惜整體演出依然曳到爆，最近聯賽更連輸五場，上仗對住包艇赫里福特聯都要吞夠三蛋，士氣仲唔跌到落谷底咩？
相反，奧咸經過早排小低潮後，最近已重返正軌，十月底主場擊敗榜首斯肯索普固然係代表作，上仗仲打破埋諾咸頓個主場不敗金身，證明班波狀態返晒！雖然首席射手李爾曉士要停賽，不過列度爾同阿歷山大兩位鋒將近期頻頻有「士哥」，對住客場落敗率超過八成車頓咸，贏三、四粒閒閒啦！

本贴跟从标题: