白禮頓雙殘易畀人哈
18/11/2008
文： 重炮手

表現好與壞，在乎人腳齊唔齊！白禮頓今晚足總盃首圈重賽作客同屬英甲哈特普爾，表現睇怕唔會好得去邊，事關隊中四位借將都受借用條款所限唔落得場，加上球隊踏入十一月至今幾乎每隔三日就有比賽，成班波踢到殘晒仲點發威？哈特普爾有望贏波！（開賽時間：周三凌晨3:45）
其實白禮頓今場飽受「雙殘」困擾，首先係殘陣，因為隊中四名借將前鋒費特活、中場巴特利莊遜、安恩沙同奇雲科頓都受借用條款所限，唔可以今仗披甲。加上後域高又有傷，陣容簡直天殘地缺，究竟仲剩幾多成表現都成疑問。


四借將避戰三日踢一場


何況計埋今仗在內，白禮頓原來十九日內總共要踢六場波，即係平均三日就踢一場，成班波難免有踢到殘晒感覺，今仗造訪話佢等都唔出奇。始終哈特普爾主場唔小，今季就試過聯賽盃淘汰英超西布朗，面對白禮頓呢支殘兵，贏面都幾高！

本贴跟从标题: