費古倫斯紐迪高鬥入波
20/11/2008
文： 亨格比利

聽朝巴甲有場護級好戲上演，由費古倫斯火併紐迪高。費古倫斯近況直插谷底，紐迪高客場表現亦屬麻麻，大家個甲組席位危危乎，預期雙方都會大打進攻足球搶分，玩個入球「大」最實際！（開賽時間：周五早上6:30）
費古倫斯連續七場聯賽失分，家陣排積分榜尾二位置，再有差池真係神仙都難救。呢隊波作客出名渣，所以聽朝主場出擊仲唔搏老命搶攻咩！況且陣中首席射手基頓沙維亞打破入球荒，重拾射門觸覺可預期入波陸續有。
對手紐迪高近況的確較好，弊在今季作客得勝率僅得一成多，造訪態沉費古倫斯都未必有甜頭。不過睇番上場聯賽，紐迪高竟然可以大勝勁旅高士路五比二，一對箭頭基爾馬同菲臘比更各自梅開二度，腳風咁順真係唔慌冇波入。再講，紐迪高家陣只係比費古倫斯多五分，護級情況唔多穩陣，作客焗住都要踢得進取，入球「大」數！

本贴跟从标题: