紐迪高讓球勝毋須費神
20/11/2008
文： 路西法

聽朝巴西獨腳戲上演護級大戰，費古倫斯暫列尾二，形勢非常危急，今次主場對紐迪高屬正宗「六分波」，兩軍爭勝決心極大。不過，費古倫斯於巴甲主場戰績排包尾，近十一場主場聯賽只曾一勝，明顯有心無力。反觀紐迪高近六場聯賽未嘗一敗，士氣正處高峰，今場捧「讓球客勝」！（周五早上6時30分開賽）


費古倫斯跌Watt


費古倫斯近年一季至少贏十場主場聯賽，但今季大跌Watt，至今十七戰只贏五場，上次主場贏波要追溯至八月中，即使近期形勢告急，但球隊仍然毫無改善，難怪會深陷降班危機。
紐迪高目前排尾五，領先費古倫斯五分，同降班區域只有三分之差，為免畀人拖落水，今仗絕對唔輸得！今季球隊同樣長處下游，去到十月中終於止跌回升，對上六場聯賽保持不敗，創下開季以來最佳走勢。上周大軍於主場以五比二大勝前列分子高士路，即時士氣大振，以目前走勢睇可望成功保級，今場作客一樣有力搶分，「讓球客勝」值得一試。

本贴跟从标题: