菲臘斯麥法頓當弗
伯明翰平手有餐史
21/11/2008
文： 重炮手

職業球員唔易做，除為球會南征北伐之外，一旦畀國家隊徵召仲要千里迢迢去服役。好似史雲斯前鋒史葛蘭特咁，周中先為千里達國家隊上陣，然後再坐長途機趕返為球隊今晚英冠主場對伯明翰上陣，咁頻撲咩入球觸覺都冇晒啦，仲點威脅對手？計我話平手盤一於捧伯明翰！（開賽時間：周六凌晨3:45）


史雲斯射手隨時死火


當史葛蘭特為千里達踢完周中世盃外圍賽後，就要坐成八個半鐘飛機趕返史雲斯備戰今仗，咁長機程難免影響本身狀態。特別係史葛蘭特今季以五個聯賽入球成為球隊次席射手，若果佢真係死火的話，單靠中場兼首席射手保迪一件攻堅，真係未必入到伯明翰波！
既然伯明翰失波機會唔高，佢又有冇機會袋足三分呢？都有，因為佢射手菲臘斯同麥法頓近兩場夾埋入三粒，足證狀態不俗，大把機會近五場四度失守史雲斯防線搵到食。至於中場基舒今場停賽問題，其實佢以借用身份加盟至今都係做後備多，影響唔大！

本贴跟从标题: