路迪斯紋身激勵意志最癲
21/11/2008
文： 亨格比利

唔少運動員都鍾意紋身，除話紋老婆仔女個名同古靈精怪圖案之外，洛杉磯快艇甘比同森多利亞前鋒卡斯辛奴仲紋埋中文字添，認真夠噱頭！而「萬人迷」碧咸同馬特拉斯就更加係「紋身狂」，其中碧咸仲話有鋪紋身癮，享受畀針拮感覺，諗落都幾病態。
不過力英乙球隊洛達咸路迪斯仲癲，竟然隻腳度紋百幾個英文字。呢位十九歲前鋒職業生涯都幾崎嶇，曾經畀賓福特同巴拉福特放棄，周圍搵球會試腳時候仲不斷受到白眼，畀人笑身形太細粒，根本唔適合踢波。


紋上曼德拉140字言論


路迪斯冇因為咁而放棄成為足球員夢想，仲引用前南非總統曼德拉言論，紋一百四十個字隻腳度，令自己振作同堅持信念。不過筆者認為路迪斯都係適可而止，皆因紋身會損害皮膚甚至破壞免疫系統，長遠講對佢足球事業都係冇乜好處，積極操練先至最實際！

本贴跟从标题: