足球资料吧-->赛前分析3

綠茵主場「薩」聲震天
21/11/2008

今季日職榜尾一樣鬥得激烈，除札幌岡薩多肯定降班外，十一至十七位只有五分之差，其中一隊會陪岡薩多降班，另一隊就要踢護級附加賽。面臨生死關頭，東京綠茵最後兩周對手極強，周日主場對札幌岡薩多屬搶分黃金機會，不容有失，勢將大炒對手！捧「讓球主勝」。
東京綠茵目前排尾三，取得三十六分，領先尾二千葉市原一分，與尾四磐田山葉同分但得失球落後，形勢非常嚴峻。球隊近況好曳，近三場賽事未嘗一勝，而且一球都入唔到，演出非常唔掂！大軍最後兩周好難踢，先作客橫濱水手，再於主場對川崎前鋒，或會全失六分，今場如果唔贏，幾可肯定下季日乙再見，事實上，如果連岡薩多都贏唔到，絕對唔值得留低，難得有箭頭大黑將志復出，可望大數對手！

松鼠回勇捉天鵝

同日仲有場「動物打」，新潟天鵝主場決戰大宮松鼠，兩隊目前同得三十八分，仍然未可安枕，天鵝近況極差，王牌射手阿歷辛度紐尼斯仲有傷上陣成疑，情況非常惡劣。反觀松鼠近期續有起色，曾於聯賽連贏兩場，今次作客天鵝，有力保持不敗，受讓值得一試。