杜伊新氣象「主勝」最理想
21/11/2008
文： 亨格比利

數手指，今季表現令人大失所望杜伊斯堡已經有成個月未贏過波，今晚佢自己地頭出擊，加上有新帥紐奴亞首度領軍，對住包艇FSV法蘭克福絕對係威番鋪好時機，一於押「讓球主勝」撐紐奴亞響頭炮！（開賽時間：周六凌晨1:00）


FSV作客失波多


十三輪德乙聯賽過後，杜伊斯堡只係贏得四場波位列中游，會方早排怒炒練邦拿，並日前搵經驗豐富前漢諾威頭紐奴亞領軍，易帥可望為杜伊斯堡帶新氣象，一班球員亦肯定畀多兩錢肉緊取悅新帥。況且中場卓維斯今晚刑滿復出，「夫添」出擊更添勝算。
對手FSV法蘭克福今季德乙只係贏過一場波咁大把，六場作客賽事失十二球，整體人腳擺到明唔夠班。最慘係首席射手辛斯正陷入球荒，就連發電機特奧杜里迪斯都傷埋，真係睇唔出今晚有咩本事同急欲搶分杜伊斯堡撼，所以一於捧杜伊斯堡2.1倍「讓球主勝」啦！

本贴跟从标题: