前鋒食大三元要起飛腳
過到呢關就有胡叫
21/11/2008
文： 蘇豪

日職尚餘三周，現時爭標形勢緊湊，前六強僅得三分之差，情況有如○五年翻版，相信王者會於最後一周才誕生。睇勻六強餘下賽程，「進攻王」川崎前鋒相對較易踢，今周若然過到大阪飛腳，絕對有條件後上奪冠，現時足智彩「冠軍」賠率有15倍，值得留意！
川崎前鋒暫列第五，落後榜首鹿島鹿角三分，得失球差少十球，似乎形勢麻麻。不過，球隊餘下三仗對手不算太強，周日主場對大阪飛腳本來好難踢，但飛腳剛捧亞冠盃，仲未收拾心情，未必可以踢番之前水平，相信前鋒可以順利贏波，考慮到兩軍鋒力強，捧大盤最好！（周日中午12時開賽）
前鋒最後兩周對手一般，先於主場對風流球隊神戶勝利船，再作客弱旅東京綠茵，只要發揮水準，可望盡擸九分，「冠軍」分頭理想諗得過！


三神鹿角撈「細」界


周日仲有場榜首大戰，大分三神主場鬥鹿島鹿角（now 633周日中午12時直播），兩軍近況同樣欠佳，三神捧完日聯盃走晒樣，之後兩場賽事冇「士哥」，更於天皇盃被乙組仔鳥棲砂岩踢出局，相當羞家，睇冇乜冠軍相。鹿角情況亦唔好得幾多，對上四戰三和一負，明顯後勁不繼，不過，球隊最後兩場分戰下游分子磐田山葉同札幌岡薩多，若然今周能保不敗，奪冠呼聲仍然頗高。今場兩隊都欠贏波本錢，三神防守力強，鹿角鋒力一般，捧細最好！

本贴跟从标题: